كتاكيت المعهد

بما اننا لسه سنه اولى فنعتبر كتاكيت المعهد وبما انى لحد دلوقتى مشفتش غيرى هنا فأنا هعتبر نفسى ممثلة الفرقه الاولى فى المنتدى
والى عنده اعتراض ميشتكيش لأن محدش هيقول حاجه
وعلى الساده طلاب الفرقه الاولى مساعدتى على تطفيش الفرقه التانيه والتالته والرابعه من المنتدى عايزينه منتدى للكتاكيت بس
وياجماعه الكلام ده فى غاية الاهميه والسريه ياريت بقى محدش يجيب سيره لحد

دوام الحال من المحال يعنى إنتى مش هتفضلى سنة أولى

ربنا يستر بقى

النتيجه ظهرت وانا خايفه اجيبها
بس حتى لو نجحت برده هنفضل كتاكيت المعهد لأننا دفعه مفيش زيها ودمنا شربات
بس برده هنعمل خطه على تطفيش اولى وتالته ورابعه
طبعا من كلامى ده انتو اكيد استنتجتوا انى ملاك وغلبانه ياعينى وطيبه جدا ياحرااااام
مش كده ولا ايه يا جدعان؟

غلبانه اه مهو باين.....
انا كل الى قريته فى الموضوع هو الكلمات دى :-

1-تطفيش
2-استيلاء
3-سريه

لا غلبانه قوى قوى قوى كتاكيت قال

ههههههههههههههههههههه
مش عارفه بس انت ليه حاططنى فى دماغك يا أبو حميد
اه كتاكيت وقطط كمان ولو عايزنا فران مفيش مانع

وعلى راى عادل امام ده انا غلبااااااااااااااااااااااااااااااان
اه وربنا

حتى شوف وشى
شايف البراءه
ياخواتى عسل
عسل والله

انا مش حاطك فى دماغى ولا حاجه بس انتى الى قدامى هعمل ايه لازم اناكف فيكى واحد فينا بس هو الى هيستمر يانا يانتى......

والصورة الى انت حطاها جميله جدا انا بحب الشخصيات الكارتونيه بتاعت اليابان دى الى تلاقى الواحد شعره لونه اخضر ولا احمر وعنيه صفراء ولا حتى بنفسجى حاجه جميله كده.....
زى مسلسل dragon ball z بس ده مسلسل كرتون عنيف شويه....
متحخطيش فى دماغك المهم انتى عملت ايه فى النتيجه؟؟؟؟؟
ومتعرفيش الفرقه الرابعه طلعت ولا لا؟؟؟؟؟

بالنجاح يارب كده

لا معرفش حاجه عن النتيجه وخايفه اروح اجيبها لحسن اكون سقط
وبعدين الصوره الى انا حطاها دى لا شعرى فيها احمر ولا عينى بنفسجى ده شعر بنى وعين زرقا
وبعدين انت شكلك بتتفرج على كرتون كتير خلاص اوعدك انى فى اقرب فرصه هنزل فى المنتدى فيلم كرتون كده أمور عشان الكتاكيت يتفرجو ههههههههههههههههههه

من اولها كدة يا TONA امال لماتبقى فى تانية هتعملى ابة بس انا احب اطمنك محدش اصلا بينجح فى اولى

اعوذ بالله منك انت وقريبك ده

اشوف فيك يوم ده انا على اخرى
وكل يوم احلم انى بسقط

إنشاء الله تنجحى لو عملت اللى عليكى و بعدين ما تاخديش فى بالك خالد أصله واخدها عرض مستمر و بعدين بلاش تجيبوا فى سيرة دراجون بول لحسن ده راجل طيب

النتيجه بتاعة تانيه ورابعه ظهرت فى المعهد
واللله ظهرت خلاص
شوفوها بقى
وابقو طمنونى عليكو

ظهرت فى ايه بالظبط فى الجريدة ولا الكنترول ولا ايه؟؟؟؟؟؟
ياجدعان انا بموت فى جلدى حد يقولى ظهرت ولا لسه؟؟؟؟؟؟
انتى روحت المعهد وشوفت بعينك انها نزلت ولا سمعت كلام وبس؟؟؟؟
يارب استرها ياراب

أكيد لو فيه نتايج ظهرت هتبقى ف أخبار الحوادث

متبقاش خواف كده
ان شاء الله ربنا هيسترها معاك
بص أدام تونه دعتلك يبقى هتنجح ان شاء الله
بس انت متبقاش خواف كده وجمد قلبك
وخليك دايماُ عارف ان الى ليه خير فى حاجه هياخدها

؟

tona كتب:

متبقاش خواف كده
ان شاء الله ربنا هيسترها معاك
بص أدام تونه دعتلك يبقى هتنجح ان شاء الله
بس انت متبقاش خواف كده وجمد قلبك
وخليك دايماُ عارف ان الى ليه خير فى حاجه هياخدها

ياسلام على الكلمتين دول ريحتى قلبى الله يريحك
انا هتفال بيكى ياتونا وانا بجيب النتيجة وفعلا ليك خير فى حاجه هتاخدها......

ويا سلام بقى لو لاقدر الله يعنى دوبلرت السنة.........بلاش تقول كلام ترجع تندم عليه

El Prince كتب:

ويا سلام بقى لو لاقدر الله يعنى دوبلرت السنة.........بلاش تقول كلام ترجع تندم عليه

بص يابرنس دى حاجه بتاعت ربنا.....

تعرف مثلا لو الواحد دبلر حجات كتير هتتغير فى حياته بمعنى:-

هيفضل فى الدراسه-هيروح المعهد ويدخل امتحانات تانى-الحياة اليوميه هتبقى متغيرة-تفصيل داخل الحياة اليومية هتبقى متغيرة عن واحد مخلص


مثلا لو الواحد خلص السنة دى:-

مش هيروح المعهد غير علشان الشهادة يعنى مش هيبقى فيه دراسه-هيشوف موضوع الجيش-هيشوف شغل-تفاصيل الحياة اليوميه هتتغير-هتتطلعلك حجات كتير هتعملها-دنيا تانيه يعنى



الكلام الى انا بقوله ده علشان ايه:
علشان اقول المكتوب مكتوب وصعب تغير فيه واى تاخير او تقديم فى المكتوب هيغير حاجات كتييييير وانا واثق فى ربنا ان دى اخر سنة بأذن الله لانى حاسس ان كل حاجة هتتغير بعد لما يتفك اسرى من المعهد الى انا فيه علشان اشوف مصلحتى فين
وبعدين انا بقالى فى المعهد 5 سنين فكفاية بقى.....
ومش هقدر اقول غير الله المستعان

صح كده هو ده ده الكلام يا بلاك هوك
انت فعلاُ تستحق يتقال عليك بلا هوك

وخلى املك فى ربنا كبير ومتسمعش كلام الناس الوحشين اللى بيتكلمو دول

فعلاً و أولهم إنتى وبلاش تهلفطى ف الكلام و ياريت يا عم عمرو خالد قصدى يا بلاك هوك متخدكش الجلالة و تقلب عمرو دياب و تدافع عن واحدة زفرة اللسان

يابرنس انا مبدافعش ولا بهاجم عادى يعنى بس انت برده سالك طريق العدائية فى التعامل......
وبعدين يأخى انت متتمناش ليا النجاح؟؟؟؟؟؟
وشغال ليه تنكش فى تونة ياعم سيبها فى حالة بدل ماتطفش من المنتدى......

ياجماعه انا خدت قرار وياريت محدش يعترض عليه وبجد انا بتكلم بجد
انا خلاص هسيب المنتدى ده عشان حاسه انى تقيله اوى هنا
وياريت الادمن يلغى اشتراكى عشان مفيش اى حاجه من مواضيعى تظهر واعتبرونى مجتش خالص فى المنتدى دده

لية ياتونة ماتخليكى فى الموقع احنا كدة هنزعل - انا اعرف اوقفلك عضويتك لو تحبى بس خليكى

اوكى تبقى مشكور لو وقفتلى عضويتى
ومعلش مش هقدر اخلينى عشان انا مش بلاقى فى المنتدى ده غير تريقه وكلام ينرفز وبس
وانا احسنلى ابطل ادخل منتديات

يا أخ بلاك هوك مش حكاية إنى عدائى يعنى إنتا مغسل و ضامن جنة كل خلق ربنا بيقولوا يارب و إنشاء الله و اللى بيريده ربنا بيكون و أنا كنت بهزر إنتا اللى فهمت غلط....و عموماً الموضوع مش بإيدى أنجحك أو أسقطك