بكبوزا

: مره ست عندها ابن تخين اوى اوى راحت للدكتور قالت له: انا مش عارفه هو تخين ليه قال لها: هو بيفطر ايه؟ قالت له: بكبوزا حبيب امه بيفطر فرختين. قال : و بيتغدا ايه؟ قالت له: بكبوزا حبيب امه بيتغدا خاروفين . قال لها و بيتعشا ايه؟ قات بكبوزا حبيب امه بيتعشا عجلين . قال لها :بكبوزا حبيب امه هيكولنا احنا الاتنين!!!!!!!!

بالنكتة دية يا تونة عرفت بس انك فعلا من معهد التعون وانك هتعمرى معانا فية بس كنت بقولك هوا انتى جبتى النتيجة

مين بكبوزا ده؟؟؟؟؟
على العموم هى جابت النتيجة ونجحت صافى الحمدلله عقبالنا كلنا كده باذن الله....

إيه النكتة دى أانا إتفشخت من الضحك ياريت تبطلى تقولى نكت

كده أبطل اقول نكت
لا والله بجد زعلت
يعنى انا نكتى وحشه ولا ايه؟
يرضيكو كده يارجاله اللى البرنس بيقولو ده؟

بلاك هوك انا اللى بسألها هية انتى نجحتى ولا لاء انتا بترد لية بالنيابة عنها ولا انت المتحدث الرسمى ليها وعلى فكرة بقى البرنس على ق والنكتة دية مكانها الزبالة

أضحك ولا أبين سنانى ؟؟أنا حقيقى حقيقى لزقت-إتفقعت..اللى يعجبك مشيه

خالد GAME OVER كتب:

بلاك هوك انا اللى بسألها هية انتى نجحتى ولا لاء انتا بترد لية بالنيابة عنها ولا انت المتحدث الرسمى ليها وعلى فكرة بقى البرنس على ق والنكتة دية مكانها الزبالة

ياعم خالد طالمل سؤال وعارف اجابته يبقى اردلك عليه ولما يجى صاحب الشان يبقى ياكد كلامى......


يعنى مثال واحد بيسال عن شخص معين وانا رديت عليه وقلتلوه هو فين او بيعمل ايه او عمل ايه ...
يبقى كده عادى ولما يجى الشخص يبقى ياكد ويكمل.....

خيركم من تعلم العلم و علمه يعنى هتفرق إيه مين يجاوبك مادام عرفت وبعدين كده كده حاجة من التلاتة يانجحت بمواد يا منجحتش أصلاً يا إما نجحت صافى عشان مظبطة دكتور من الدكاترة....ومحدش يفهمنى غلط أنا قصدى فلوس من تحت الترابيزة أو دروس و ده اللى ماشى اليومين دول محدش بينجح بمجهوده

ياعم فى ناس بتنجح بمجهودها كتيير ماهو الواحد مايجيش فى اخر السنة يذاكر وعايز ينجح وهو مطمن.....
وبعدين موضوع انك ممكن تظبط الدكاتره ده كلام فشنك انت ممكن تاخد درس عندهم ويبقو يدوك الامتحان مش اكتر وشوف بقى هتدفع قد ايه

ممكن حد فى الكنترول يظبطك بسهوله بس برده مين وفين الحد ده
......على العموم العملى مضمون النجاح فيه بس الرك على النظرى بس بيتقضى وليه طريقته فى المذاكرة

نعم نعم نعم مظبته الدكتور؟
انت خدت عليا اوى على فكره ثم انا نجحت بمجهودى لاكنت بدفع فلوس من تحت الترابيزه ولا كنت بخد دروس
والله انا شكلى هفكنى من المنتدى ده انا مبلاقيش فى غير تريقه وبس

tona كتب:

والله انا شكلى هفكنى من المنتدى ده انا مبلاقيش فى غير تريقه وبس

لا لا هزعل قوى ياتونه لو سيبتى المنتدى...
وبعدين انا مش عارف البرنس طريقته عدائية قوى ليه كده مش عارف؟؟؟؟؟
وبعدين ايه شغل العيال الصغيرة ده ؟؟؟
دفعت فلوس ظبطت الدكتور ايه الكلام الفارغ ده يابنى طريقتك كده تبين انك بتحقد على الشخص الى قدامك عن طريق انك تفترى عليه بكلام ملوش اساس من الصحه......

هههههههههههههههههههههههههه
صح يابلاك هوك
والله انا مش عارفه من غيرك كنت عملت ايه لوحدى فى المنتدى ده
كنت ممكن اكره المنتديات كلها ويجينى فوبيا الانترنت
بسبب البرنس وخالد

ايه ده بلاك هوك انت شايف اللى انا شايفاه؟
انا بقيت عضو جامد؟
حصل امتى ده مع انى مشتكتش لحد زى ما البرنس عمل
يلا يابلاك هوك عقبالك وتبقى انت الادمان كمان

لا متخافيش يا تونة على حكاية عضو جامد دية اصلها ماشية بعدد المشاركات وثانيا حكاية الادمين دية فالموقع دة لية صاحب طبعا وعايش وانا عارفة شخصيا كمان اما بالنسبة ان ان بلاك هوك انتى ماكنتيش عارفة هتعملى اية من غيرة فطبعا دية حاجة ترجعلك وربنا يخليهولك ويخليكوا لبعض وبالنسبة ليا انا والبرنس اللى هنكرهك فى الموقع والانترنت فياريت تحسبى على كلامك شوية علشان ماتكرهيش الانترنت و تعيطى كمان كل ماتشوفى كمبيوتر كل واحد وامكانياتة بقى

أولا أنا متأكد إنها نجحت بمجهودها أياً كان المجهود ده فالغاية تبرر الوسيلة و ده يأكد يا أخ بلاك هوك إنه شغل للكبار فقط و محدش يفهمنى غلط ثانيا هحقد عليها ليه ده حتة تونة لا راحت ولا جت و الله أعلم تاريخ إنتهاء صلاحيتها إمتى حاجة تانية يا تونة يجيلك فوبيا من النت إزاى و إنتى مبتعرفيش الفرق بين الماوس و الكيبورد ....حاجة أخيرة للأخ بلاك هوك يعنى شوية شخصية مش هتضرك ولا خايف من الفوبيا؟؟

tona كتب:

ايه ده بلاك هوك انت شايف اللى انا شايفاه؟
انا بقيت عضو جامد؟
حصل امتى ده مع انى مشتكتش لحد زى ما البرنس عمل
يلا يابلاك هوك عقبالك وتبقى انت الادمان كمان

مبروك ياتونة وعقبالى.....

يابرنس يابرنس بطل بقى الكلام بتاعك ده ومتسبتليش انك مصرى...ياخى حرام ترمى الناس بكلام مش مظبوط وحتى لو كنت بتهظر مش كده اونت اكيد عارف انا بتكلم على ايه......

لا متخافش مش هعيط انا طلبت انهم يلغو اشتراكى
ويارب حد يسمعنى ويسمع كلامى يارب

الحق يا برنس بلاك هوك بيقولك حرااااااااام تصور يا راجل حرااااااااااااام

تصور بيقولى حرااااااااام أنا مش مصدق إنه بيقولى حرااااااااااااااااام وبعدين يعنى إيه مصرى أمال إنتا إيه؟؟؟هندى مثلاً ولا من بوركينافاسو